नेकपा एकिकृत सामाजवादी पार्टीका अध्यक्ष माधव नेपालका विश्वापात्र मानिएका निजामती कर्मचारीका नेता भोला पोखरेल नेकपा एमालेमै नै फर्किएका छन् ।
नेकपा एसका केन्द्रीय लेखा आयोगका सदस्यसमेत रहेका पोखरेललाई एमाले अध्यक्ष केपी शर्मा ओली, महासचिव शंकर पोखरेल, उपमहासचिव विष्णु रिमाल लगायतका नेताहरूले पार्टीमा स्वागत गरेका हुन् ।
कम्युनिष्ट आन्दोलनको रक्षा गर्ने यात्राका लागि मूलघर फर्केको बताएका पोखरेल कर्मचारीको आधिकारिक ट्रेड युनियन महासंघका नेता समेत हुन् ।
यो पनि : बर्खास्त गरिएका नेपाल एयरलाइन्सका कार्यकारी अध्यक्ष कार्यालयमा हाजीर भए : बर्खास्त गरिएका नेपाल एयरलाइन्सका कार्यकारी अध्यक्ष युवराज अधिकारी कार्यालयमा हाजीर भएका छन् ।
बर्खास्तको चिठ्ठी नपाएको भन्दै अधिकारी कार्यालयमा हाजीर हुन आएको बताएका छन् । शुक्रबार बसेको सरकारको मन्त्रिपरिषद्को बैठकले अधिकारीलाई बर्खास्त गरेको थियो ।
भोलिपल्ट शनिबार भएका कारण आफुले चिठ्ठी नपाएको उनले बताएका छन् । निलम्बनको निर्णय सर्वोच्च अदालतले उल्टाइदिएपछि उनी काममा फर्किएका थिए । सरकारले विभिन्न अभियोगमा छानविन सुरु गरेपछि उनलाई शुक्रबार बसेको मन्त्रिपरिषद्को बर्खास्त गरेको थियो ।
